Lykle er namnet på produkta som vert leverte frå Aabrekk Gard. Lykle finn du i eit utval av butikkar og hotell i Sogn og Fjordane. Du kan også bestille varer direkte frå Aabrekk Gard: lefser, fiskelefser, flatbrød, havrekjeks, julekaker, geitost, honning, sylte, saft og brød. Alt av finaste kvalitet.

Vel bekomme!

Lefser

Laga etter Nordfjordlefse-oppskrift. Den kan variere frå bygd til bygd. Fyllet i lefsa er rørt smør og melis smaksett med litt vaniljesukker og litt rømme. I lag med gombe er dette festmat.

Fiskelefser

Tradisjonen med lefse til fisk er ikkje så gamal her hos oss, men dei siste 25 åra har vi brukt den til lutafisken 1. juledag. Å pakke fisk inn i lefse ilag med potet, gulrot og godt smør er kjempegodt. Og til rakfisk er lefse sjølvskrive. Tips: Smør ramsløk-smør over lefsa, og legg over røyke-laks, rull saman og nyt!

Julekaker på bestilling

Flatbrød

Baka etter oppskrift som vi har brukt her på Aabrekk Gard i fleire generasjonar. Vi kokar poteter og mæl dei på kvern, har i havregryn som har lege i bløyt over natta, fin og grov grovekveite, salt og skumma-mjølk. Av denne deigen blir det flatbrød med god smak. Det smakar godt til fisk og spekemat - eller bryt flatbrødet i småbitar i ei skål, slå over surmjølk og strø på litt sukker.

Havrekjeks

Laga etter god gamal oppskrift. Disse sprø og godsmakande kjeksa er nydelege ilag med godt smør og brun geitost.

Kransekake

Signe

Signe er "budeia" på Aabrekk Gard. Ho legg sjela si i å vidareføre tradisjonar overlevert frå generasjon til generasjon. Mathistorie, råvarer, kvalitet og kortreist er begrep som Signe formidlar gjennom ekte gardsmat.

Her er alt som det skal vere.

Hanen

Vi er medlem i Hanen, ein landsdekkande organisasjon som baserer seg på turisme og mat produsert på garden, med lokal tradisjon og lokale råvarer.